រម្ងាប់ចិត្តក្រោធខឹងចេញ ពីចិត្តទើបជីវិតរស់បានសុខ

សព្វថ្ងៃយើងរាល់គ្នាខំប្រឹងសម្រាប់តែតម្រូវខ្លួនខាងក្រៅ ដូចឡាន ផ្ទះ លុយ និងសម្ភារៈទំនើបៗជាច្រើនទៀត។ តែអត់ដែលបានប្រឹងរករសម្រាប់តម្រូវចិត្តខាងក្នុងទេ។ ត្រូវចាំថា របស់ខាងក្រៅ ទោះជាប្រឹង១០ជាតិ ហើយមានជាងនេះរាប់លានដងទៀត ក៏មិនគ្រប់ មិនឆ្អែត មិនបានសុខស្ងប់ឡើយក្នុងជីវិតមួយនេះ។

ព្រះសម្មាសម្ពុទ្ធបានសម្តែងថា៖«ជីវិតបានសុខ ព្រោះអត់បានអប់រំល្អ។» អ្នកខ្លះមានលុយ អាចដើរជំវិញពិភពលោកបាន តែចិត្តគាត់មិនសុខ មិនស្ងប់។ ហើយគាត់ចេះតែប្រឹងគិតថា បើមានឡានម៉ូតនេះ តម្លៃនេះ ផ្ទះធំជាងនេះទើបជីវិតល្អប្រសើរ។ តែគ្រប់ការគិត ការចំណាយ វានៅតែមិនអាចឱ្យចិត្តខ្លួនបានសុខសោះ។  ហើយចិត្តនៅតែខឹង​ នៅតែមូហ្មៅ ដាក់គេឯងច្រើនទ្វេដងទៀត។

សេចក្តីក្រោធអាចធ្វើអោយយើងញ័រទាំងកាយនិងចិត្តថែមទាំងបេះដូង ហើយក៏អាចធ្វើអោយមានអំពើហិង្សា កើតជំងឹបេះដូង ដេកមិនលក់បក់មិនល្ហើយ មិនថានៅកន្លែងធ្វើការនិងនៅកន្លែងផ្សេងតែងតែមានទំនាស់និងកំហឹងកើតឡើងមក។ ដូចនេះហើយបើយើងដឹងថា យើងជាមនុសល្ហុងខ្ចី  បើយើងដឹងថាកំហឹងរបស់យើងឈានទៅរកខឹងហើយ យើងត្រូវចេះទប់អោយជាប់ បើដឹងថាយើងជាមនុស្សមានចិត្តឆេវឆាវច្រើន យើងត្រូវរកវិធីណាមករំសាយពីកំហឹងមួយនេះ  ដើម្បីកុំឱ្យវាក្លាយជាម្ចាស់ចិត្ត ហើយបញ្ជាយើងឱ្យធ្វើអំពើវិនាសជាដើម៖

1. បើដឹងថារឿងមួយនេះធ្វើអោយយើងមានកំហឹង កុំអោយគិតពីវាបន្តទៀត យើងអាចរកមិត្តភក្តិទៅជជែកលេង ដើរកំសាន្តលំហែកាយខ្លះ លេងទូរសព្ទ័ដើម្បីដោះស្រាយមួយពេលៗនៅពេលដែលកំហឹងយើងបានកើតឡើង។

2. មានការខន្តី អត់ធ្មត់ ចេះទទួលយកពាក្យអ្នកដទៃដែលមិនសមរម្យនិយាយមករកយើង កុំតបតនៅពេលដែលខឹងនេះ ភាគច្រើនគឺខុស និងសំរេចចិត្តនាំអោយមានវិប្បដសារីទៅថ្ងៃក្រោយ។

3. មានការលើងលែងទោសដល់អ្នកដទៃនៅពេលដែលគេបានធ្វើខុសមកលើយើង កុំទៅចាំយករឿងដែលមិនល្អដាក់ខ្លួនច្រើនពេក បោះវាចោលទៅ។

4. មានមេត្តាធម៍ដល់អ្នកដទៃជានិច្ច ព្យាយាមបើកចិត្តអោយទូលាយទទួលយកការគិតល្អមកទុកក្នុងខួរក្បាល និយាយអ្វីដែលល្អៗ មិនមានបំណងអាក្រក់ទៅលើអ្នកដទៃ។

5. មានបញ្ញា រៀនស្វែងយល់ពីដំណើរជីវិតរបស់ខ្លួន មានពេលខ្លះយើងទទួលបានការពេញចិត្ត មានពេលខ្លះយើងខកបំណង ខ្លះរកស៊ីចំណេញ និង រកស៊ីខាត ពេលខ្លះមានរឿងល្អនិងរឿងមិនល្អ យើងត្រូវរៀនត្រៀមចិត្តទទួលយកនូវអ្វីដែលយើងខកចិត្ត បញ្ញាមួយនេះធ្វើអោយយើងទទួលយកដោយមិនមានការខឹងក្រោធ។

6. ខឹងបំផ្លាញទ្រព្យសម្បត្តិ មិនមែនជាការល្អទេ។ ទ្រព្យសម្បត្តិខំរករាប់ឆ្នាំទម្រាំទិញបាន ដល់ពេលខឹង អត់ចេះទប់កំហឹង បោកខ្ទេចខ្ទីអស់។ វាបានតែការសោកសៅ ស្តាយក្រោយនៅពេលឈប់ខឹង។

រៀនអត់ទ្រាំ ខន្តីអត់ធន់ គ្រូសារ កូន ប្រពន្ធមិនចង់ឃើញប្តី រឺប្រពន្ធប្រើកំហឹង ចិត្តក្រោធដូចបិសាចមករស់នៅជាមួួយគ្នាទេ៕

Check Also

កំហុសទាំង ១០ របស់ សិល្បករល្បី ៗ នៅលើពិភព លោកបានធ្វើឱ្យយើង មិនដែល បានកត់សម្គាល់

រាប់រយឆ្នាំបន្ទាប់ពីស្នាដៃសិល្បៈ ដ៏ល្បីល្បាញទាំងនេះត្រូវបានបង្កើត ឡើងអ្នកជំនាញបានព្យាយាម Share on Facebook Tweet Follow us Share Share Share Share Share

Leave a Reply

Your email address will not be published.