ព័ត៌មានថ្មីៗ

អេក្រង់ថ្មីដែលបំពាក់ iPhone 11 Pro និង 11 Pro Max ធ្វើឲ្យអ្នកប្រើប្រាស់ពេញ ចិត្តស្ដូក

ថ្វីបើអេក្រង់ទូរស័ព្ទ iPhone 11 Pro និង iPhone 11 Pro Max នៅរក្សាទ ម្រងឆកមិនផ្លាស់ប្ដូរក៏ពិតមែន ប៉ុន្តែ Apple បានធ្វើការបន្ថែមសមត្ថភាពអេក្រង់ស្មាតហ្វូនទាំង 2 ឲ្យកាន់តែខ្លាំង ធ្វើឲ្យអ្នកប្រើប្រាស់ទាំងអស់ភ្ញាក់​ផ្អើលក្រោ​យបានឃើញកម្រិតរូបភាពដែលបង្ហាញដោយបន្ទះបង្ហាញមួយនេះ។

ក្នុងថ្ងៃសម្ពោធក្រុមហ៊ុន Apple បានបញ្ជាក់ឲ្យដឹងថាបន្ទះ​អេក្រង់​ដែល​បាន​បំពាក់​នៅលើ iPhone 11 Pro និង iPhone 11 Pro Max ជា​ប្រភេទ OLED មាន​កម្រិត​ដង់ស៊ីតេរហូតដល់ 458ppi និង​មាន​កម្រិត Contrast Ratio 2,000,000:1 ហើយមានកម្រិត​ពន្លឺ​ 1,200 nits ព្រមជាមួយនឹងការបន្ថែម​បច្ចេកវិទ្យា HDR10 ដែល​ធ្វើ​ឲ្យ​អេក្រង់​ទទួលបាន​ពន្លឺ ក្នុង​កម្រិត​មួយ​ដល់​ខ្ពស់។ បន្ថែមពីនេះ វាក៏មានមុខងារ P3 Wide Color Gamut ដែល​ជួយ​ឲ្យ​ការ ចាក់​ពណ៌​បាន​ត្រឹមត្រូវ និង​ច្បាស់​ល្អ​ថែម​ទៀតផង។

ក្រៅពីនេះ ក្រុមហ៊ុនក៏បានបន្ថែមនូវបច្ចេកវិទ្យា Tap to wake (ប៉ះ​លើ​ផ្ទៃ​អេក្រង់ ដើម្បី​ដាស់អេក្រង់) Haptic Touch ( ផ្តល់​រំញោច តប​មកពេលបញ្ជា​​អេក្រង់) និង True Tone Display (ការកំណត់​កម្រិត​ពន្លឺ​អេក្រង់ ទៅតាម​ស្ថានភាព​ដែល​យើង​កំពុង​ប្រើប្រាស់)។ មួយវិញទៀត វាក៏មានភ្ជាប់ជាមួយនឹងទឹក​ថ្នាំ​ពិសេស​ម្យ៉ាង ដែល​ជួយ​ការពារ ពី​ការ​ឆក់យក​ស្នាម​ម្រាមដៃ​បាន​យ៉ាង​ល្អ​។

ជាមួយគ្នានេះ Apple ក៏បានបញ្ជាក់នៅវេបសាយផ្ទាល់ខ្លួនថា អេក្រង់របស់ពួកវាទាំង 2 បានឡើងដល់ Pro Display ដែលមានន័យការបង្ហាញរូបភាពគឺល្អឥតខ្ចោះ ដូចនឹង Monitor ​តម្លៃ​ថ្លៃ​របស់ Apple ​ប៉ុន្តែស៊ីថាមពល​ថ្ម​តិចជាង​មុន​រហូតដល់ 15% វិញ ដោយ Apple ហៅ​​ថា Super Retina XDR។ លក្ខណៈល្អៗទាំងនេះ វាពិសេសបំផុតសម្រាប់អ្នកចូលចិត្តទស្សនាភាពយន្ត ដែលត្រូវការកម្រិតបង្ហាញខ្ពស់ ដូចជានៅ Netflix ជាដើម។

យ៉ាងណាមិញ សម្រាប់អតិថិជនហាង សុខលី ទាំងអស់សូមបន្តតាមដានទាំងអស់ បើមានដំណឹងស្ដីពីតម្លៃ និងថ្ងៃចេញលក់ Admin នឹងជម្រាបជូនភ្លាមៗ៕

Check Also

បក្សី​ដាយណូស័រ​ គឺជា​អ្នក​ប្រមាញ់​ដ៏អស្ចារ្យ

ស្រាវជ្រាវ)៖ ក្រុមអ្នកវិទ្យាសាស្រ្តជនជាតិកា ណាដា បាននិយាយថា ដាយណូស័រ ចេះហោះដែលត្រូវបានចាត់ទុកថាជា

Leave a Reply

Your email address will not be published.